Yetakchi muhandis (elektr tarmoqlar va tizimlar yo‘nalishi bo‘yicha muhandis-energetik) lavozimiga vakansiya ochildi
14 noyabr 2023 y.
07:44
“O‘zInjiniring” RLIda yetakchi muhandis (elektr tarmoqlar va tizimlar yo‘nalishi bo‘yicha muhandis-energetik) lavozimiga tanlov eʼlon qilindi.
Funksional vazifalari:
- loyiha bosh muhandisi (LBM) byurosining loyihaoldi, loyiha va boshqa ishlariga rahbarlik qilish;
- loyihalash ishiga jalb qilingan xorijiy loyiha va injiniring tashkilotlarining loyiha ishlarini tashkil qilish bo‘yicha tajribalariga asoslangan progressiv usullarini LBM byurosidagi loyihalash jarayonlariga tadbiq etish;
- zamonaviy ishlab chiqarish texnologiyalari, fan va texnika yutuqlari to‘g‘risidagi axborotlarni to‘plash, tartibga keltirish va ulardan foydalanish;
- elektr energetika sohasidagi ilg‘or texnologiyalar ishlab chiquvchilari va litsenziarlarining, yuqori texnologik uskunalarni ishlab chiqaruvchi va yetkazib beruvchi xorijiy kompaniyalarning jahon bozorini chuqur tahlil qilish;
- loyihaoldi va loyiha hujjatlarini ishlab chiqish uchun dastlabki maʼlumotlar va texnik topshiriqlarni so‘rab olish, umumlashtirish va tayyorlash;
- loyihaoldi va loyiha hujjatlarining alohida bo‘limlarini ishlab chiqishda ishtirok etish;
- loyihaviy yechimlarni loyihaning barcha bo‘limlari (qismlari) bilan bog‘lash va muvofiqlashtirish;
- ishlab chiqilayotgan hujjatlarning standartlar, texnik shartlar hamda loyihalash va qurish bo‘yicha boshqa normativ hujjatlarga, shuningdek, ishlab chiqish uchun berilgan texnik topshiriqqa muvofiqligini tekshirish;
- buyurtmachi va vakolatli ekspertiza organlarining ishlab chiqilgan loyihaoldi va loyiha hujjatlarini ko‘rib chiqishlari va kelishishlarida ishtirok etish, tanqidiy mulohazalar yuzasidan hujjatlarga o‘zgartishlar kiritish;
- loyihaoldi va loyiha hujjatlarini moslashtirish ishlarida ishtirok etish;
- tender hujjatlarining texnik qismini ishlab chiqish ishlarida ishtirok etish;
- loyihaning amalga oshirilishini texnik jihatdan kuzatib borish ishlarida ishtirok etish;
- ishlab chiqilayotgan loyihalar bo‘yicha loyihaviy yechimlarning texnik saviyasini ko‘tarish yuzasidan takliflar tayyorlash;
- buyurtmachilar, subpudratchilar va boshqa tashkilotlarga yuborilajak xatlar loyihalarini tayyorlash;
- ishlab chiqilayotgan hujjatlarning loyihalash va qurish bo‘yicha standartlar, texnik shartlar va boshqa normativ hujjatlarga, shuningdek, ishlab chiqish uchun berilgan texnik topshiriqqa muvofiqligini taʼminlash
Kompyuterda ishlash:
- kompyuterda va tashkiliy texnikalarda ishlash;
- AUTOCAD grafika redaktorini bilish va unda ishlash;
- tez va xatosiz matn terish;
- MS Office paketini (matn, jadval va grafika redaktorlarini) mukammal bilish.